Naša wizija za Chóśebuz
Z toś tymi temami nastupijomy
Z wócami na wólbne wójowanje dajomy Wam pśeglěd na temy, z kótarymiž nastupijomy.
Familija, trajnosć, wobchad, integracija/migracija, (sub)kultura, gentrificěrowanje a digitalizacija stoje w fokusu našeje politiskeje agendy. Zasajźijomy se za to, až Chóśebuz ma žywy a wjelebócny pśichod, w kótaremž stoje nastupnosći bergaŕkow a bergarjow w srjejźišću. Zgromadnje móžomy mócnu zgromadnosć natwariś a město formowaś, kótarež słuša wšyknym. Waš głos licy.
Familija
Wobchad
(SUB)Kultura
Digitalizacija a zarědnistwo
Trajnosć
Integracija / Migracija
Gentrificěrowanje
Wobźělenje wobydlarjow
Familija
Nadawk našogo města musy byś, derjeměśe wšych pólěpšyś a pomoc za sebjepomoc pódpěrowaś – pśez kwantitatiwnje dosegajuce a kwalitatiwnje dobre pórucenja wobstaranja źiśi, zjawne pórucenja pódpěrowanja źiśi, młodostnych a familijow.
Trajnosć
Produkcija a składowanje miliny, pak w komercielnem pak w priwatnem ramiku, jo wažny dypk pśi wugótowanju pśiducych lět. Jo móžno, wótpowědne grunty za wudobywanje solarneje miliny na wobkšyśowanych parkowanišćach, na zjawnych twarjenjach abo w domacnem wobłuku namakaś.
Wobchad
W Chóśebuzu dej se trajne wuwiśe wobchada pógónjowaś, kenž sajźi na pódpěrowanje kólosowańskich sćažkow, wutwaŕ bliskowobchada a twarjenje parkowanych domow za kólasa. Rownocasnje dej se bliskowobchad pśez moderny buse a elektriske atraktiwnjej wugótowaś. Dalšny wažny dypk jo perspektiwiski dermotny zjawny bliskowobchad.
Integracija/migracija
Njewótwisnje póchada stoj w zakładnej kazni póstajone pšawo na liche rozwijanje. Za to trjebamy dialog a sobustatkowanje zgromaźeństwow samskich zajmow, teke gaž słušaju te cesćej k njesłuchanym. Mamy ako zaměr, śěžyšćo diskusije k móžnosćam produktiwnego zgromaźeństwa – pšec wót tšachow a starosćow.
(SUB)kultura
Chóśebuz ma bogatu a pódpěrje gódnu subkulturu, njasona pśez towaristwa, cesne amty a komercielne pórucenja. Liche rozwijanje jo jasny faktor za žywjeńsku kwalitu, integratiwne pórucenja a swójsku statkownosć, pśeto wósebnje how pódpěruju platformy tu zgromadnosć, kenž jo za wuměnu wjelgin wažna.
Gentrificěrowanje
Swěśakowe projekty njesměju na tuń normalnje a/abo mało zasłužecych wobydlarjow hyś. Centrum města wóstanjo pśez platowe twarjenja měsćański źěl z wjelikeju wjeleraznosć wšych socialnych warstwow. Wobgrozone su wobłuki na kšomje měsćańskego centruma, wobłuk dwórnišća a wobłuk uniwerzity. Tam se zacyniju abo se wutłocuju kluby.
Digitalizacija a zarědnistwo
Digitalna transformacija njeskóncyjo pśed našym komunalnymi zarědnistwami.
W casu digitalizacije by se teke Chóśebuz procował, wěcej eficientne a na wužywarjow orientěrowane zarědnistwowe struktury twóriś, aby naše pótrjeby lěpjej spółnił. Dogromady pśinosyjo digitalizacija, až komunalne zarědnistwa bywaju transparentnjejše, eficientnjejše a wěcej na byrgarja orientěrowane.
Wobźělenje bergaŕkow a bergarjow
Zmócnjenje wobźělenja bergaŕkow a bergarjow w komunje jo rozsuźecego wuznama, dokulaž ma wjeliku licbu positiwnych wustatkowanjow na lokalnu zgromadnosć a demokratiske žywjenje. Dogromady pśinosujo wobźělenje bergaŕkow a bergarjow k tomu, žywu, inklusiwnu a demokratisku towarišnosć na lokalnej rowninje pódpěrowaś.
Pódpěrajśo nas
Zgromadnje za wobydlarjam blisku politiku w Chóśebuzu
Wěrnosć jo, wólbne wójowanje jo droge. Comy napšawdu něco dojśpiś w tom měsće a za to trjebamy pódpěru. W Quasimonje ako teke we wjele dalšnych jsach su za to naše pósćiwańske głažki. Jich wjelikomyslna pódpěra zmóžnijo nam, našo město zgromadnje wugótowaś a nastupnosći wšyknych wobydlaŕkow a wobydlarjow prědk stajiś. Kuždy pśinosk licy, aby žywy a wjelebocny pśichod za Chóśebuz stwórił. Cyńśo sobu a pomagajśo nam pśi tom, politiku zwopšawdniś. Zgromadnje móžomy mócnu zgromadnosć natwariś a město formowaś, kenž wšym słuša.
Für alle Bürger
Za wšyknych wobydlarjow
For all citizens
لجميع المواطنين
Wir sind für Sie da
Smy za Was how
We are here for you
نحن هنا من أجلك
Wir laden Sie ein, sich aktiv an diesem Gestaltungsprozess zu beteiligen und Ideen für die weitere Entwicklung unserer Stadt einzubringen. Sprechen Sie uns an, wenn Sie Fragen haben oder sich einbringen möchten. Wir freuen uns auf Ihre Teilnahme und darauf, gemeinsam eine positive Zukunft für unsere Stadt zu gestalten.
Pśepšosujomy Was, se aktiwnje na toś tom wugótowańskem procesu wobźěliś a mysli za dalšne wuwiśe našogo města zapśěgnuś. Wobrośćo se na nas, gaž pšašanja maśo abo cośo zapśimjeś. Wjaselimy se na Wašo wobźělenje a na to, zgromadnje pozitiwny pśichod za našo město wugótowaś.
We invite you to actively participate in this design process and contribute ideas for the further development of our city. Contact us if you have any questions or would like to get involved. We look forward to your participation and to shaping a positive future for our city together.
ندعوك للمشاركة بفعالية في عملية التصميم هذه والمساهمة بأفكار لتطوير مدينتنا. اتصل بنا إذا كان لديك أي أسئلة أو ترغب في المشاركة. نتطلع إلى مشاركتكم وإلى تشكيل مستقبل إيجابي لمدينتنا معاً.